લખે સૌ થોકના ભાવે ગઝલ આવી બજારમાં
અમે દસ બારમાં વેંચી તમે વેંચી હજારમાં
તને જોયા વગર સો ગીત મેં લખ્યા હતા કદી
તને જોયા પછી આવી ગઝલ મારા વિચારમાં
સુઝે ઝટ ભાવ શબ્દોમાં વળી લાવે લગાવ પણ
ઘણી નિખરી ગઝલ જ્યારે લખી છે ઈંતજારમાં
પ્રિયા ગાલિબ દુલારી મીર ને સાકી મરીઝની
વધીએ શૂન્યથી, બેફામ ઘાયલની પુકારમાં
ઉગે તો ચાંદ સી ઉજ્જવળ, ખીલે તો ગુલાબ સી
બઝે ઝાંઝર બની પગનું, સરગમી કો સિતારમાં
ગિરીશ જોશી
No comments:
Post a Comment