*જાત તું ખોલ આયના સામે,*
*ને પછી બોલ તું બધા સામે.*
*જાણવું હોય સાચા જીવનને,*
*ઊઠ ને જો જરા શમા સામે.*
*ઝળહળે દીવો લોકની ભીતર,*
*તું છે ઊભો હજી શિલા સામે.*
*તોડ્યા બંધન તેં મારા માટે સૌ,*
*મૌન છું તારી આ વફા સામે.*
*સાથ આપ્યો મને તેં જીવનભર,*
*થઇ દફન મારી પણ જગા સામે.*
*ધર્મ નામે છો ચાલતા ઢોંગો,*
*વાત સંતાય ના ખુદા સામે.*
*કેફ 'ધબકાર'ને છે સુંદરતમ,*
*છું ફિદા તારી હર અદા સામે.*
*✍️ઉમેશ તામસે 'ધબકાર',*
*વ્યારા (તાપી)*
No comments:
Post a Comment