એક સૂકી ડાળી પર કૂંપણ ફરી આજ ફૂટી
ઘરડા વૃક્ષે લાગણી ની ફરી લિજ્જત લૂંટી
દ્રશ્ય આ જોઈને હરખાય છે મારી આંખો
મુક્ત ગગનમાં ઉડવા ફેલાવી મારી પાંખો
હેત ભરેલા હૈયામાં ધીરજ હજી ક્યાં ખૂટી
એક સૂકી ડાળી પર કૂંપણ ફરી આજ ફૂટી
લીલા લીલા પર્ણ થી સઘળી ડાળી હરખાશે
રંગબેરંગી પંખીના કલરવ મીઠા ફરી સંભળાશે
ધરતી ની હરિયાળી જોઈ વાદળ કરશે વૃષ્ટિ
એક સૂકી ડાળી પર કૂંપણ ફરી આજ ફૂટી
મીઠા મીઠા ફળ આપું રંગબેરંગી ફૂલ આપું
પાયું છે પાણી બદલામાં છાંયા નો મુલ આપું
શુદ્ધ હવા ભેટ માં આપું સમજતી નથી સૃષ્ટિ
એક સૂકી ડાળી પર કૂંપણ ફરી આજ ફૂટી
વિનોદ બી ગુસાઈ મૌન
No comments:
Post a Comment