ગઝલ

પ્રેમ ભરી નઝમ
.
કેવી લાગી મને એમની આ અસર,
આવે સપના મને એમના રાત ભર.
.
જેને ચાહી છે મેં, જેને માંગી છે મેં,
ને પરીઓથી પણ પ્યારી લાગે છે જે.
ચંદ્રની ચાંદની જેવી છે દિલરૂબા,
જોઉં છું ફક્ત એનેજ હું રાત ભર.
.
કેવી લાગી મને એમની આ અસર,
આવે સપના મને એમના રાત ભર.
.
એ વિચારોની દુનિયા હકીકત બની,
ને હકીકતમાં એ મારી પાસે હતી.
આવે દુલહન બની મિત્ર એ સાથમાં,
એમને બસ કરું પ્રેમ હું રાત ભર.
.
કેવી લાગી મને એમની આ અસર,
આવે સપના મને એમના રાત ભર.
.
હાથ અડતા જ મારો એ શરમાઈ ગઈ,
મેં કર્યું એક ચુંબન એ ગભરાઈ ગઈ.
આંખ એવી અદાથી ઝુકાવી છે કે,
થઈ ગયો છું નજરકેદ હું રાત ભર.
.
કેવી લાગી મને એમની આ અસર,
આવે સપના મને એમના રાત ભર.
✍🏻 *-મિત્ર રાઠોડ*