ગુજરાત મારો બાગ છે.
------------------------------------
ગુજરાત મારો બાગ છે.હું ગુજરાતની થાતી છું.
શુરવીરતાને યાદ કરો તો,ખમીરવંતી છાતી છું.
ગર્વ કરો ગુજરાતી છું.
તાપી અને સાબરમતી,નર્મદા કંઇ માત છે,
કંઈ ચોટીલો,કંઇ ઇડરીયો,ગિરનાર જેવો તાત છે,
ચોતરફ ઘૂઘવાટ છે,સાગરની હૈયાતિ છું.
ગર્વ કરો ગુજરાતી છું.
કયાંક જોશી,કયાંક ઘાયલ,ક્યાંક નર્મદની વાત છે,
પન્નાલાલને ધૂમકેતુની,કંઇક ઊંચેરી જાત છે,
રંગ કસુંબલ વાત કરો તો,મેઘાણી નો નાતિ છું.
ગર્વ કરો ગુજરાતી છું.
જલાબાપુની સેવા બોલે,નરસૈયોં તો ઘર ઘર ડોલે,
સંત - ફકીરો ફરતાં -ફરતાં,અંતરમનના તાળા ખોલે,
દયા દાન ને હૈયે ધરતી,માનવતાની જાતિ છું.
ગર્વ કરો ગુજરાતી છું......
મંદીરોની ધજા ફરકતી,ધોધ તણો પછડાટ છે,
પક્ષીઓનાં કલરવ વચ્ચે,મોર તણો થનગાટ છે,
સુંદરતાની વાત કરો તો,ખુશ્બુ કંઇ મદમાતી છું.
ગર્વ કરો ગુજરાતી છું...
-- દેવેન્દ્ર ધમલ
No comments:
Post a Comment