હું અને તું (મોનોઇમેજ)
૧)
મને શોખ છે સૂર્યોદય માણવાનો..
એને વહેલી સવારના સપના જોવાનો !
૨)
અગ્નિની ચોતરફ
અમે સાથે ફેરા ફરેલા..
હું ઉત્તરમાં વળી,
એ
પ્રશ્નોમાં !
3)
કેટલું સહજ સ્વીકારી લીધું છે,
એણે - મારું ચાહતા રહેવું
મેં - એનું ચાખતા રહેવું !
૪)
હું
એની આંખોમાં
મારું ભાવિ જોયા કરું છું,
એ મારી આંખોમાં
ફંફોસ્યા કરે છે
મારો ભૂતકાળ!
૫)
અમે
એકમેક માટે સૂરજ થઈને ઝળહળવાના
સોગંદ ખાધા ...
મને પોષ માફક આવ્યો ,
એને વૈશાખ !
~~ નેહા પુરોહિત
No comments:
Post a Comment