મારા પરમ આદરણીય માતૃશ્રી રાજીબાની આજે નવમી પુણ્યતીથિ પર એમને સાદર...
== જનનીને ==
વહી જાતી ક્ષણોનો હું ચિરંજીવી
ન ભૂલાતી ક્ષણોનો હું ચિરંજીવી
સમય જાળું થઇ બેઠો હથેળીમાં
સકંજાતી ક્ષણોનો હું ચિરંજીવી
સહી તે વેદના કેવી મને પ્રસવી
પ્રલંબાતી ક્ષણોનો હું ચિરંજીવી
મધુરી વાદળી વરસી જીભે મારી
એ ભીંજાતી ક્ષણોનો હું ચિરંજીવી
રમે છે દુનિયાના અંકમાં 'મંથન'
તને ગાતી ક્ષણોનો હું ચિરંજીવી
=== મંથન ડીસાકર (સુરત)
No comments:
Post a Comment