એ વાતનું નથી કોઈ જ વિસ્મય;
આયનાને ય નથી મારો પરિચય.
મારા દિલની દશા એઓ જાણે છે;
એમને પણ છે ધબકતું એક હ્રદય.
એમની આંખોમાં ડૂબે મારો સૂરજ;
સવારે એ જ આંખોમાં થાય ઉદય.
ગયા એ રીતે જિંદગીમાંથી એઓ;
અટકી ગયો ત્યારથી મારો સમય.
સુરાહી તોડી નાંખ સાકી આજ તુ;
પિવાડવી દે મને તુ આંખોથી મય.
ખુદા પીવા દે મસ્જિદમાં આજ તુ;
ન તો થશે એથી કોઈ મોટો પ્રલય.
નથી કોઈ ડર મને એમ તો યાર;
બસ મને ખુદનો જ લાગે છે ભય.
કહેવાનું કહી શકતો નથી નટવર;
શું કહેવું છે એમને,છે એ પણ તય.
#નટવર
#સાકી
No comments:
Post a Comment