આંબો મ્હોર્યો
સોળ વરસનો આંબો મ્હોર્યો લેલુંમ્બ બેઠી કેરી
કાચી પાકી વેડી લેશે ગયા જનમનો વેરી
આંબા ફરતે ઝીંકી દીધી જો કાંટાળી વાડ
રખોપાઓ રાત-દિવસનાં તોય રહે ના આડ
ફળિયા નળિયા તાકી રહેતા તાકી રહેતી શેરી
સોળ વરસનો આંબો મોહર્યો લેલુંમ્બ બેઠી કેરી
પથરા તાકે કેરીઓની દાંડલીનો સહવાસ
કેરીના મનમાં પણ જાગી શાખ થવાની આશ
આંબાની ડાળોએ ઊઠી ખટમીઠી રણભેરી
કાચી પાકી વેડી લેશે ગયા જનમનો વેરી
-પ્રકાશ પરમાર
No comments:
Post a Comment