ગઝલ

છંદ : રમલ
બંધારણ : ગાલગાગા *૩ ગાલગા
ભારે પડી....
પ્રેમ કેરી તમ કને થી માગણી ભારે પડી,
અંતરે ઊગી પલાશી ફાગણી ભારે પડી.
ના શરત ના ગમ, રમત ના કો કપટ, છળ, કારસા,
ભાવના માં સ્નેહ કેરી વાદળી ભારે પડી.
ના બંદગી, ના ઇબાદત, ના ભજન ના રાસડા,
તરબતર હૈયે જુઓને શ્રાવણી ભારે પડી.
સેતુ બાંધ્યો હેત થી મારા તમારા દિલ લગી,
જીદ ને ઈર્ષા ની જો ને છાવણી ભારે પડી.
આશ ના કોઈ લગીરે, પ્રેમ વાંછુ નિસ્પૃહી,
ચાહના ની એક ઊંડી લાગણી ભારે પડી.
                ડો. જિજ્ઞાસા છાયા ઓઝા.