અછાંદસ

####અછાંદસ###'

##કાવ્યાસ્વાદ##

શબ્દોને સાંકળે બાંધી
અર્થના આંતર નીચોવી
સુકાતી જતી નસો જેવી
ભાવનાઓને બાળી,
આસુંના ધુમાડાની મુઠ્ઠી ભરી,
સપનાના મધપૂડામાંથી
ઝરતા મધને ચાટવા આતુર
ભાલુ જેવો,
ચકોરની માફમ અદૃશ્ય
વિચારોના ચાંદને તાક્યા કરે,
ચાતકની જેમ કલ્પનાઓના
વરસાદની રાહમાં મોં ફાડી ઉભેલો ...,
અસમંજસમાં પડેલો...
આ એની વેદના છે કે
ઉઝરડામાંથી ટપકતું પરૂ ?
શબ્દોમાં ન વાસનાની દુર્ગંધ
ન પ્રેમની સુવાસ,
ફક્ત સ્વાદ છે
એમાં
પણ
સવાલ છે: કયો   ?

-સંદીપ ભાટીયા"કવિ"