હવે એકા'દ છાલકથી જ ભીંજાઈ જવાનું છે,
ભલા ચોમાસું આખું આપણું થોડું થવાનું છે.?
મુકો મનની તમે મોટાઈ તો પણ સારું કે'વાશે,
કહે છે કોણ આખેઆખું ઘર આ ત્યાગવાનુ છે.
હુ મારા ઘરને ઝળહળતો દિવો થઈ ખુદ જ અજવાળું,
બે કર જોડીને મારે એટલું તો માગવાનું છે.
છું તારા હોઠની હું મોરલી વિશ્વાસ છે મુજને,
તુ થોડો શ્ચાસ આપે તો હવે મારે વાગવાનુ છે.
સમયની આ બટકતી ભીંતમાં ખીંટી એકા'દી રાખ,
કે આ હોવાપણાને કાલ ત્યાં તો ટાંગવાનુ છે.
શૈલેષ પંડ્યા...
No comments:
Post a Comment