કાંધે ક્રોસ ઉપાડવાની, એને શી જરૂર હતી ?
આટલું બધું વેઠવાની, એને શી જરૂર હતી?
માથે કંટાળો મુગટને, વહેતું સતત રુધિર,
ત્રણ ત્રણ વાર પડવાની, એને શી જરૂર હતી ?
આખા જગતનો તાત, પરમેશ્વરનો પુત્ર ;
રૂપિયા ત્રીસમાં વેચાવાની, એને શી જરૂર હતી ?
અસહ્ય હશે એ ચાબખા ને અનહદ પીડા;
મૌન આટલું રાખવાની, એને શી જરૂર હતી ?
મારા દોષે મારા પાપે મને ઉગારવા કાજે ;
માનવતા બચાવવાની, સાચે બહુ જરૂર હતી!
ત્રણ દિવસની શાંતિ, ફરી વિજયોત્સવ ,
મોતને માત આપવાની, સાચે બહુ જરૂર હતી !
હિમાંશુ મેકવાન
૧૪.૦૪.૧૭
No comments:
Post a Comment