ગઝલ

સમંદરના પાણીને માપવા ગજ હોતા નથી,
સૌંદર્યભીના નયનમાં પ્રેમના સરનામાં હોતા નથી.

અણીયારી આંખો'તો ભલે શ્યામ હોય,
વાસંતી વાયરામાં યૌવનની પાંખો હોતી નથી.

એકાગ્ર ચિત્તવૃત્તિ રાખું તોય રસ્તા જડતા નથી,
મૌસમની મહેક માણવા વર્ષાને અંબર જડતું નથી.

આનંદીતતામાં પ્રેમોત્સવનો અવસર આંગણે આવે,
અનરાધાર સ્નેહની સરિતાનું ઝરણું જડતું નથી.

અભૂતપૂર્વ વાત્સલ્ય વાટિકા બનાવીને રાખી,
"અઝીઝ"ને વનરાઈની લીલી ચાદર જડતી નથી.

ભાટી એન "અઝીઝ"