*પલ | હૃદયનો સીધો અનુવાદ*
સૌની સાથે હળવું-મળવું ભારે પડશે,
શંકાની કાતરથી મરવું ભારે પડશે !!
જેને માટે ડૂબી મરવું વ્હાલું લાગે,
એની સાથે કાંઠે તરવું ભારે પડશે !
આંગળીએ પોટાશ લગાડી મળવા આવે,
એને રૂની સાખે અડવું ભારે પડશે.
ઉની ઉની આંખો લઈને મળશે *ધારા*,
અંગારાના ઘરમાં ઠરવું ભારે પડશે.
ઝાઝી વાતે ગાડા ભરશે શાયર છે એ,
વાતે-વાતે છળવું-બળવું ભારે પડશે.
*ચિંતન મહેતા "આલાપજી"*
*સરકાર*
No comments:
Post a Comment