ખાસ્સા લાંબા ટાઈમ પછી એક વરસાદી ગીત લખાયું.....
માથાથી પગ લગી નખશીખ ભીંજાયા..ભીંજાયા તોય રહ્યા કોરા...
તમે આવોને સ્હેજ જરા ઓરા..
નજરૂની છાલકથી એવા ઘવાણા કે લોહીજાણ થઈ ગયા શ્વાસ,
ઓચિંતી આવીને શ્વાસો પુરે છે,એક ઘટના ઉભી છે મારી પાસ
રુવાડે રુવાડે માદકતા ફરકે ને ઉપરથી વરસાદી ફોરાં....
તમે આવોને સહેજ જરા ઓરા
સાત સાત રંગોની છાલક વાગે છે મને લહેરાતા તારા આ કેશમાં..
ઓચિંતા આંગળીના ટેરવા અડયા કે હવે ઝળહળ છે ભીતરના દેશમાં
લાગી ના જાય આજ દુનિયાની નજરું, લો બાંધી દો માદળિયા દોરા..
તમે આવોને સહેજ જરા ઓરા..
પીયૂષ ચાવડા
No comments:
Post a Comment