કોઈ સૂઝે ના ડગર, બસ કોણ જાણે શી ખબર !
કેમ વીતે છે પહર, બસ કોણ જાણે શી ખબર !
કોઈ ઓળખતા નથી કે કોણ આવ્યું છે અહીં,
કાઢવા મારી ખબર, બસ કોણ જાણે શી ખબર !
ખળભળે છે ક્યારનો આ એક સાગર માંહ્યલે,
ક્યાં ઉઠી છે કોં લહર, બસ કોણ જાણે શી ખબર !
એ જતા આપી ગયા છે એક સરનામું મને,
લાગે જાણીતી ડગર, બસ કોણ જાણે શી ખબર !
જીવવાને એક સાથી તો સદાયે જોઈએ,
એ ભલે આપે ઝહર, બસ કોણ જાણે શી ખબર !
બસ બધા એમાં જ ભરમાઈ ગયા સઘળા તમે,
આ અગર ને આ મગર, બસ કોણ જાણે શી ખબર !
આમ "જયલા" કોઈ દિન તારે જવું પડશે પછી,
ક્યાં રહ્યું કોઈ અમર, બસ કોણ જાણે શી ખબર !
@ જયલા
તા.૩૧-૦૭-૨૦૧૭
No comments:
Post a Comment