બચી છે આ સુરા ઓછી,મને થોડી અસર આપો;
ઠરો સાકી હવે,વળગણ હતું એની ખબર આપો!
હતું ઘર એક કલરવથી ભરેલું,સાંજ આવી જો;
કહો બારી મહીં બેસો,પછી મીઠી નજર આપો.
હવે છોડી રહ્યો છું એ દિવાનાપન,મજા ક્યાં છે?
દગો આપ્યો હતો કેવો?દર્દો પણ માતબર આપો.
નક્કી ન્હોતું,બિછડવાનો સમય આવ્યો હતો છેલ્લે;
વળાંકો,જે રસ્તા જીવડાતાં,એને કદર આપો.
હજી ભૂલી શકો તો આવજો,જીવી જવાશે હોં,
કદી ખટરાગ ના હો રાહમાં,એવી સફર આપો!
'અગમ' રાખ્યા હતા જે કોડ,પૂરા ક્યાં થયા એકે?
મને આ ગામના પાદર મહીં,ખૂણે કબર આપો.
-શૈલેષ ચૌધરી 'અગમ'
No comments:
Post a Comment