ગઝલ

બે અક્ષર લખું  કાગળ ઉપર ને આખી કવિતા નીકળે તો કેવું સારું
ખુશી નું બુંદ ટપકે આંખથી ને  આખી સરિતા નીકળે તો કેવું સારું

હું ચાહું જેને મારા દિલથી વધારે એજ મારા સપના ની રાણી હોય
મારા ખુશી થી ભરેલા સંસાર ની એજ રચિતા નીકળે તો કેવું સારું

નામ આપ્યું  લક્ષ્મીનું વરસોથી આપણાં પુરખો એ અહીં સ્ત્રી ઓનું
ભ્રમણા કરું  ભારતની ને ઘરની સ્ત્રી બધે સિતા નીકળે તો કેવું સારું

ઘર્મ ના ડાકુ  પાળું પોસું મોટા કરું  મૂકી દઉં છુટા ચારે દિશા તરફ
પાપી સૌ શહેર ની શેરીએ શેરીએ બીતા બીતા નીકળે તો કેવું સારું

ઘેરી લીધો છે આજે ટેક્નોલોજિ એ યુવાનીને પોતાની બાહોમાં કેવો
ચાલુ કરે સૌ મોબાઈલ ને એમાંથી પહેલા ગીતા નીકળે તો કેવું સારું

મેં જણાવી છે મારા મન ની કલ્પના ને આજે આ કોરા કાગળ ઉપર
કરે જો શિવ ને મૌન ની કલ્પના  વાસ્તવિકતા નીકળે તો કેવું સારું
                                          વિનોદ બી.ગુસાઈ”મૌન”