બાકી છે - સંજુ વાળા
ગૂંચ જે પડી નવી ઉકલવી બાકી છે
કીનખાબી ચામડીની પદવી બાકી છે
છે કથા રસાળ કિન્તુ કથવી બાકી છે
જીવલેણ ગાંઠ છે, ઉપસવી બાકી છે
આ સભામાં કોની સામે આંગળી ચીંધો
આંખ સૌને છે, હા છે નિતરવી બાકી છે
તેલ જોવું છે 'ને તેલધાર જોવી છે
હા, નિરાળી સુધ-સમજ નિખરવી બાકી છે
હા- માં હા કહ્યા જ કરવી યાને હા જી હા
બસ હવે આ જીભ જે કચરવી બાકી છે
સો અવાજનાં સ્તરોને સાંભળી લીધાં
પણ નિ:શબ્દ કોઈ ગુંજ ગરવી બાકી છે
No comments:
Post a Comment