ગઝલ

ફૂલ જેવું આવરણ ને રૂપ મનહર જોઈએ;
સાથેસાથે ભીતરે સાકાર સગપણ જોઈએ.

રંગ બીજું કંઈ નથી આવકારે સ્નેહવશ;
-તો ભ્રમર કે માળીમાં ના કોઈ અંતર જોઈએ.

છે સુગંધી ફૂલનું હોવું ને તેથી પોતીકાં;
ભીતરે એવાં જ હ્રદયો ભીનાં લથબથ જોઈએ.

શબ્દનો જો સાથ પામ્યા એટલું પૂરતું નથી;
પૂરતા ઇતિહાસનો આંબો ય આંગણ જોઈએ.

કોઈ કારણ જો ગમ્યું તો પોતીકું માની ન લે;
એવું એવું થાય ત્યારે મિત્ર; હાજર  જોઈએ.
17:52    ------ ગુણવંત ઉપાધ્યાય
30092017