ગઝલ

*ગઝલ - વાર છે...*

શ્વાસ છો ને અલ્પ છે, પણ હારવાની વાર છે;
ઓ નાસમજુ, ના સમજ કે જીતવાની વાર છે ?

છે તને ઇચ્છા ઘણી કે સ્વર્ગ જેવું સુખ મળે ;
ઝાંઝવા જેવી ડગરને આંબવાની વાર છે.

તોડશે દિલ આ જગત યુગો પુરાણી રીતથી ;
ને કહો છો દિલને દિલથી સાંધવાની વાર છે ?

કાળમીંઢા પથ્થરોમાં શિલ્પ છુપાયેલું છે ;
ઘા ખમી લેજો તમે, કંડારવાની વાર છે.

આ કદમ સાથે કદમ મિલાવી કેડી કંડારો ;
ફુલ સાથે કંટકોને લાવવાની વાર છે.

*દિલીપ વી ઘાસવાળા*