દરિયો તો ચપટીમાં માપી લેવાય
અરે,દરિયું -દરિયું તે વળી કેવડું?
એક પાણીની લંબાઈ જેવડું....
અરે, મારા અધ્ધધ ગામમાં પડી છે એવી દરિયા કરતાંય રાત લાંબી
સોળ સોળ મોસમથી તરવા પડી છું છતાં પાણી લગીય નથી આંબી
એમાં ઉમેરો બે લોચનની વાત અને ફાગણનું પૂર ગણો બેવડું
દરિયું-દરિયું તે વળી કેવડું?
નીરખો તો પ્હોળું ને હલ્લેસાં મારીએ તો પાણી થઈ જાય સાવ ટૂંકું
પાસેનું હોય એ પરાયું દેખાય, અહીં અંધારું એટલું બળુકું
સૂરજમાં ત્રાટક્યો ઉજાસનો દુકાળ, શૂળ એવડું ગણો તો હવે એવડું
દરિયું-દરિયું તે વળી કેવડું
ર. પા.
No comments:
Post a Comment