દગો થઈ ગયો!
મારી સાથે દગો થઈ ગયો!
વાવી હતી મેં બોરડી
ત્યાં રાતોરાત આંબો થઈ ગયો!
ગજબ થઈ ગયો!
અજબ થઈ ગયો!
કાગડો આવી એના પર બેઠો,
આંબો આખો કાળો થઈ ગયો,
કોણે કર્યો દગો આવો!
આંબા નીચે દેવ ઉભો થઇ ગયો,
આંબાના કાળા કાળા પાન પર
તડકો પડ્યો ને ભડકો થઈ ગયો,
આમ પણ આસુંના દરિયા આંખોમાં ઉછળતા
એનો વરસાદ થઈ ગયો,
બોરડી આંબો બની ,
આંબો પીપળો થઈ ગયો,
જોત જોતામાં એ કાગળ થઈ ગયો,
સાચે જ ગજબ થઈ ગયો,
બોરડી.. .આંબો .. કાગળ ..
દગો છે દગો આ?!
દગો થઈ ગયો!
-સંદિપ આર. ભાટીયા
No comments:
Post a Comment