સ્વાતિબુંદોની તરસ હોવી ઘટે;
ભાવસ્પંદોની અસર હોવી ઘટે !
તો કવિતા થાય બિલકુલ રુબરું--
પળવિપળ આરત અસલ હોવી ઘટે !
છો પ્રતીક્ષાની પળો લંબાય પણ--
શબ્દની ચોખ્ખી જણસ હોવી ઘટે !
સાદગી છે ચીજ સૂફીની અમૂલ--
ભીતરે ભીની કસક હોવી ઘટે !
લોક સમજે લાગણીને પોતીકી--
છમ્મલીલી ને સકળ હોવી ઘટે !
કોઈને લખવું ભલું લાગ્યું;લખે---
જાણવું;ઝળહળ જલન હોવી ઘટે !
કાર્ય ભાગે આવ્યું તો કરવું રહ્યું--
એટલી ચોખ્ખી સમજ હોવી ઘટે !
23:21 -------ગુણવંત ઉપાધ્યાય
25102017
No comments:
Post a Comment