આવી જજે
સૂર્ય ડૂબ્યો ને ઉગી છે સાંજ, તું આવી જજે!
આજ અત્યારે અને હમણાંજ તું આવી જજે!
મંદિરે વાગી રહી ઝાલર અને ઢોલક બજે
થાપ દેવાનેય છે પખવાજ, તું આવી જજે!
પ્હાડની ટોચે અને વાદળની ઉપરથીય પણ
કોણ છે જે દે મને અવ્વાજ, તું આવી જજે!
રાત અંધારી અને રસ્તોય ભૂલી આથડું
પ્હોંચવું ક્યાં કોઈ ના અંદાજ, તું આવી જજે!
ઝરણ ખળખળતાં રડે, દરિયોય કરતો રોકકળ!
શાંત બન્નેને કરીને, આજ તું આવી જજે!
- હરિ શુક્લ
૧૦-૧૧-૨૦૧૬ / ૧૨-૧૧-૨૦૧૭
# રિવ્યુ માટે
No comments:
Post a Comment