ગઝલમાં
રહેશો કરીને કેમના વિરક્ત ગઝલમાં?
સંતો ને ઓલિયાઓ પણ આસક્ત ગઝલમાં!
રેતીની જેમ હાથથી સરતો રહ્યો છતાં
થંભી ગયો શબ્દોની સાથે વક્ત ગઝલમાં!
વ્યક્તિને સમષ્ટિ સુધી પહોંચાડતા શબ્દો!
અવ્યક્તને કરે છે શબ્દ વ્યક્ત ગઝલમાં!
છંદો, રદીફો, કાફિયા, મત્લા અને મક્તા
બંધાઈ છે બંદિશ પણ સશક્ત ગઝલમાં!
મંદિરોમાં, મસ્જિદોમાં, ચર્ચોમાં ના મળ્યો
હરિયો મળ્યો હરિને આજ ફક્ત ગઝલમાં!
- હરિ શુક્લ
૦૮-૧૧-૨૦૧૬ / ૧૨-૧૧-૨૦૧૭
No comments:
Post a Comment