તરહી ગઝલ -કવિ શ્રી ભાવિન ગોપાણી
તમારા ઈશારા છે વગદાર કેવા?
હ્રદયના ઉછાળા છે દમદાર કેવા?
અમે પાઘ બાધી તુરન્ગે ચડેલા,
સજેલા તમે સોળ શણગાર કેવા?
હતી એક રાણી,હતો એક રાજા:
ભજવતા હતા રોજ અવતાર કેવા?
અધીરા બનીને ઊભા શ્વાસ દ્વારે,
હશે આગમનના સમાચાર કેવા?
અમે જાણતા ઝેર પીધા જગતના,
હવે મોતના હોય ભણકાર કેવા?
તમારા ભરોસે અમે ગામ છોડ્યુ,
બનીને રહ્યા આજ લાચાર કેવા?
હજી દાવમા ક્યાંય આવ્યા નથી પણ:
જગતના હશે સાવ પડકાર કેવા?
'ચંદ્ર' ઠાકોર (દાતા)
No comments:
Post a Comment