જીવને જાતર જવાને વધામણા સામા મળ્યા
દિવ્યતાના તેજપુંજી બારણા સામા મળ્યા
સાવ ગોરંભાએલો અંધારપટ એવે સ'મે,
મર્મ ભેદી, શક્યતા ને ધારણા સામા મળ્યા
પોત બાળી, કર્મ ચાળીને કર્યો ધૂણો હતો,
માંહ્યલો પ્રજવાળવાના તાપણા સામા મળ્યા
છૂટવાના દેહ ટાણે આખરીની વેળમાં
જીવ ને શિવ ઐક્યતાના તાતણા સામા મળ્યા
અંત ને શરુઆત આદીકાળથી ફરતા રહે,
આયખું નવલું જડ્યું ને પારણા સામા મળ્યા
-------------હેમા ઠક્કર "મસ્ત "
વિશ્વ કવિતા દિવસની સુકામના 🌹🙏🏼😊🌹
No comments:
Post a Comment