વાંકી નજરમાં કેટલાં ભાવો તરી રહ્યાં
લાગે પ્રણયની શોધમાં તનહા ફરી રહ્યાં.
નજરો નજરનાં કામણો દ્રષ્ટિ કરી રહી,
ઘાયલ થયેલી લાગણી સામે ધરી રહ્યાં.
પામી જવાની ચાહને જાગી હ્રદય લગન,
સ્નેહે ભરેલાં ભાવની આશા કરી રહ્યાં.
રાહે વફામાં ચાલતાં ગણતા કદમ કદમ,
મનના જગેલાં ભાવમાં પગલાં ભરી રહ્યાં.
માસૂમ જગતની રીતના ધારા અલગપડે,
આપી વચનને વાયદા પાછા ફરી રહ્યાં.
માસૂમ મોડાસવી.
No comments:
Post a Comment