ટૂંકી બહરની એક ગઝલ...
પૂછો નહીં, શું વાત છે;
દેખાય એવી જાત છે.
મુજ હાથની રેખા ખુદા,
સુંદર-મજાની ભાત છે.
ફાવે નહીં તારું ગણિત -
ઘાતાંક શું ? શું ઘાત છે ?
જે કૈં મળે એને વધાવ :
ઈશ્વર તણી સોગાત છે.
સૌંદર્યની જો દૃષ્ટિ હો,
લાગે, જગત રળિયાત છે.
હું આમ તો ક્યાંથી તરું ?
વચમાં સમંદર સાત છે.
હમણાં ગઝલમાં છું નવો,
માનો અહીં શરૂઆત છે.
બુઝતો નહીં તું ઓ 'પ્રદીપ',
અંધારી-કાળી રાત છે.
— પ્રદીપ સમૌચા
તા. ૩૦-૦૧-૨૦૧૬/શનિવાર
No comments:
Post a Comment