નહીં પડે કોઈ ફરક હવે તું ધૂંધળો ન થા,
નહીં પડે કોઈ ફરક હવે તું ઊજળો ન થા.
હવે તું તારી ખોજમાં રહે છે રાતને દી' કાં',
તને મેં કીધું ન્હોતું કે તું ખુદથી વેગળો ન થા.
ઘણો વખત છે હળવે હળવે ડગલા માંડ દોડમાં,
જો ઠેસ વાગશે પડી જવાશે આકળો ન થા.
રહેવા દે બે દી' હજી નહીતો કડવા લાગશે,
એ ફળને પાકવાની વાર છે ઉતાવળો ન થા.
પ્રહાર કરને મૌનના પહાડ વીંધી નાંખ 'સ્વર',
પછી જ પડઘા પડશે ચારે કોર ગળગળો ન થા.
ગોહિલ નિલેશ "સ્વર"
No comments:
Post a Comment