*ગઝલ*
અમે જાતે જ આ બંધન કર્યું છે;
હૃદયમાં શબ્દનું સ્પંદન કર્યું છે.
બધા ઝખ્મો આ ખોબામાં ભરીને,
કવિતાનું અભિવાદન કર્યું છે !
રડાયું આંસુઓ સાર્યા વિના પણ,
કહ્યું એણે કે, 'શું મંચન કર્યું છે !'
સમંદર એટલે છે આંખ તારી,
પ્રવેશીને અમે મંથન કર્યું છે !
બન્યું છે એટલે દુશ્મન જગત આ,
ગઝલને ફક્ત આલિંગન કર્યું છે.
નદીની જેમ ખળખળતા રહીને,
જીવનના મંચ પર નર્તન કર્યું છે.
*- સ્નેહલ જોષી*
No comments:
Post a Comment