3. ગઝલ

બંધાઈ જાવુ છે બસ એક જ ઠરાવમાં
મારાપણું રહે ના મારા સ્વભાવમાં

તારી નજર પડે તો લાગે જીવું છું હું,
છું આખરે હુ પથ્થર, તારા અભાવમાં

આંખો તને જ ઝંખે, હૈયે રહે રટણ
તારું સ્વરૂપ ભાળું નિજ હાવભાવમાં

સંજોગ કે સમય ના બદલી શકે મને
તારે જ શરણે છું હું છેવટ પડાવમાં

અડતું નથી જરા પણ માયાવી આ જગત
પાછા નથી ફસાવું આ આવજાવમાં

વળગી રહે હમેશા તારું સ્મરણ મને
ભૂલી ગઈ છુ ખુદને તારા લગાવમાં
........વર્ષા પ્રજાપતિ ઝરમર

અફસોસ ના રહે કે સમાધાન ના રહે
મનને કહી દીધું છે હવે બાનમાં રહે

ભટકી નથી જવું કે નથી ભૂલવું કશું
જે પણ કરીશુ કર્મ બધું ધ્યાનમાં રહે

મદ,મોહ,લોભ,ક્રોધ બધું આસપાસ છે,
મનની બધી વૃત્તિને કહો મ્યાનમાં રહે

આકારમાંય એ ને નિરાકારમાંય એ
એનું કરો સ્મરણ તો બધું શાનમાં રહે

પામી જવાય પળમાં જરા ધ્યાન જો ધરો,
આ નામ,રૂપ,ગુણ સતત જ્ઞાનમાં રહે

ઉપદેશમાં રહો કે રહો મંત્ર જાપમાં
પણ જીવ જગત શું છે જરા ભાનમાં રહે
.....વર્ષા પ્રજાપતિ ઝરમર
[11/22, 10:28 AM] ‪+91 98250 28131‬: નિરંજન રૂપ છો તોપણ તમારો વ્યાપ ચાલે છે
જગતથી સાવ અલગારી પ્રણય સંતાપ ચાલે છે.

નથી વળગણ કશાનો પણ, સતત આરાધનામાં છું,
અકર્તા છું છતાં સંસાર આપોઆપ ચાલે છે

વગાડો વાંસળી તો હર જનમનો મોક્ષ થઇ જાયે,
અમારા દેહમંદિરમાં તમારા જાપ ચાલે છે.

સતત જોયા કરું રસ્તો હરિ ક્યારે પધારો છો?
તમારી રાહમાં આ શ્વાસના  આલાપ ચાલે છે.

તમે બંધન,તમે મુક્તિ, તમે આદિ,અનાદિ પણ
તમારા પાશમાં ત્રિલોક માપોમાપ ચાલે છે.

બની દ્રષ્ટા બધું જોયા કરું, આકારની દુનિયા,
અહીં સુખ દુઃખની ક્રિડા જુઓ ચુપચાપ ચાલે છે
.......વર્ષા પ્રજાપતિ ઝરમર

નિરંજન રૂપ છો તોપણ તમારો વ્યાપ ચાલે છે
જગતથી સાવ અલગારી પ્રણય સંતાપ ચાલે છે.

નથી વળગણ કશાનું પણ, સતત આરાધનામાં છું,
અકર્તા છું છતાં સંસાર આપોઆપ ચાલે છે

વગાડો વાંસળી તો હર જનમનો મોક્ષ થઇ જાયે,
અમારા દેહમંદિરમાં તમારા જાપ ચાલે છે.

સતત જોયા કરું રસ્તો હરિ ક્યારે પધારો છો?
તમારી રાહમાં આ શ્વાસના  આલાપ ચાલે છે.

તમે બંધન,તમે મુક્તિ, તમે આદિ,અનાદિ પણ
તમારા પાશમાં ત્રિલોક માપોમાપ ચાલે છે.

બની દ્રષ્ટા બધું જોયા કરું, આકારની દુનિયા,
અહીં સુખ દુઃખની ક્રિડા જુઓ ચુપચાપ ચાલે છે
.......વર્ષા પ્રજાપતિ ઝરમર