ગઝલ

ગઝલ કહો !

સાદી ગઝલ મહોબત આકારતી કહો;
પુષ્પો પરાગ સરખી સત્કારતી કહો.

ઝાંખપ વધે એ પહેલાં આલાપતી કહો;
ગરવી ગઝલ ચહેરો મલકાવતી કહો.

આ સાંજ ઊતરી આવી ભીનાં લિબાસમાં--
તો પણ શરાબી આંખો છલકાવતી કહો.

ઝાકળનાં ઝીણાં વસ્ત્રો ધારણ કર્યાં પછી--
ફૂલોની વાતચીતો લલકારતી કહો !

મદમસ્ત મય હશે કે મદમસ્ત આ મિરાત?
દોસ્તો, ગઝલ કો' તરતી ને તારતી કહો !

જામોમીના છલકતાં તારાં અવાજમાં--
પીએ નહીં પરંતું પાતી રતિ કહો !

આવ્યાં છીએ જ રમતાં રમતાં ન રહી જશું--
એ ચીજ છું જ જેને સાચી ગતિ કહો !

21:00    -------ગુણવંત ઉપાધ્યાય
08112018
નવવર્ષારંભ