ગઝલ

હાથમાં હાથ લઇ તેં શણગારી હતી લાગણી,
ને પછી હળવેકથી તેમાં તેં મારી ટાંકણી!?

જંપશે નહીં જ્યાં સુધી ચૂસી ન લે રસ આ ભ્રમર,
ફૂલ,માળી સાચવી રાખો હવસ છે ડાકણી.

જીતનો હાંશકારો તેં ભર્યો જ્યાં શ્વાસમાં,
સાચું કહું! ત્યાં મારા હૈયે વેદના થઇ 'તી ઘણી.

ઝેર પ્રસરી ગ્યું છે મારા ઘરની દીવાલો સુધી,
લાગે ભરખી ગઇ છે મારા સુખને કોઈ નાગણી.

ચાલને,સૂની પડેલી સાંજને અજવાળવાં,
વાંસળીમાં તું સુર ભરજે ને હું ગાઉં લાવણી.

*કાજલ કાંજિયા "ફિઝા"*