અછાંદસ

☘☘☘☘☘☘☘☘☘☘☘

હું- તું

તું અને હું
1+1= 2 નહિ
એક જ
ગૂંથાવું ગમે
મળવું ગમે
જમીન ખોતરતી
આંગળિયુંથી આપણું હોવું,
રોમરોમ ફરકતી ફરફરથી
પહેલી તીરછી નજરમાં
પહેલા વરસાદમાં;
છલોછલ સરિતા તટે
તરુવરની ઘેરી છાંયામાં
ઘેરાતી જતી ઘટનામાં અટવાતી,
અકળવિકળ ને
ઊપરથી ટપ દઈને
ખરતાં ગુલ્મહોરના ગુલાબી રંગોમાં  ફેલાવું,
ન હોય કોઈ ત્યાં પણ હયાતિ
હોય એ ક્ષણે;
ફજેતની ટગલી ટોચે પારખું હરફરમાં,
ગુલશન ગલશન રમતી પમરતી લ્હેરોમાં,
હોવું;
સપનામાં લંબાતા હાથની
ચીંધાયેલી અનામિકા તું
ચીંધાવું વીંધાવું
રીસાવું મનાવું ગમે
તોય ટેરવે રમે
અન્યોન્ય ગમે તોય
રથડા આથમણા દોડે
મુખ મોડે
અવળાં પગલાં જોડે
તે છતાંય
તું મને મળી:
અનંતના દોરે
લહરમાં
ઝરમરમાં
રજકણમાં
તપતા તાપે
ખોજ્યા કરવાનું
ફરી ફરી
મળવાનું
ઝૂરવાનું
સ્વપ્નમાં સળવળવાનું....!

ડૉ. ભાવેશ જેતપરિયા

☘☘☘☘☘☘☘☘☘☘☘