લગાગાગા લગાગાગા લગાગાગા
ઉદાસી બાથમાં લઈને ફરેલો છું,
જીવનને એમ બહુ ભારે પડેલો છું.
સમજદારી ઘણી મોંઘી પડી તેથી,
હવે નાદાનિયતને જઈ વરેલો છું.
જીવનમાંથી ભલેને બાદ થઈ ગયો પણ
સ્મરણમાં વદ્દીની માફક વધેલો છું.
બહેકી જાય બોટલ તો સમજજો કે,
મદિરામાં હું પોતે ઓગળેલો છું.
સતત જોયા કરે છે આપને એથી,
અરીસાની હવે સામે થયેલો છું.
ઉઘાડેછોગ આવ્યા એ મને મળવા,
ને હું ખુદમા જ ખોવાઈ ગયેલો છું.
-- દિલીપ ચાવડા 'દિલુ' સુરત
No comments:
Post a Comment