ગાલગા ગાલગા ગાલગા ગાલગા
ઘોર કળિયુગ છતાં લાગણી રાખું છું,
જિંદગી આમ સોહામણી રાખું છું
માણસાઈ નઠારી બની એટલે,
માણસો ગાળવા ચાળણી રાખું છું.
આપ શોધી રહ્યા છો ગઝલમાં અને
વાત અંગત હજી આપણી રાખું છું.
હું તો જન્મો જનમથી તમારો જ છું.
બસ હવે હુંય આ માંગણી રાખું છું.
ગટગટાવી શકાયું નહીં શિવ સમું,
એટલે ઝેરની ચાસણી રાખું છું.
શબ્દની મહેફિલો ગોઠવીને પછી,
કાવ્યમય દિલમાં હું લાવણી રાખું છું.
--દિલીપ ચાવડા 'દિલુ' સુરત
No comments:
Post a Comment