🌳🌳🌳🌳🌳🌳🌳
ડૉ.સત્યમબારોટ
જાતથી તું જાતને પુરવાર કર.
સત્ય છે તો સત્યને સ્વીકાર કર.
પ્રેમથી આજે નવો નિર્ધાર કર.
કોઇથી ના કોઇદી તકરાર કર.
હાથ પગ મોઢું મળ્યું તો શું થયું,.
માનવી જેવો સદા વેવાર કર.
દેવ જેવી જિંદગી લીધા પછી,.
દેવ જેવો જાતમાં શૃંગાર કર.
ડૂબવાની તું ફિકર ના કર કદી,.
કર્મથી દરિયા બધાએ પાર કર.
છોડ દુનિયાની બધી જંજાળને,.
દેવ જેવી જાતને સરકાર કર.
જિંદગી જીવી જજે એવી અહીં,.
દર્દથી ના કોઇને લાચાર કર.
જૂઠમાં જીવન બધું વીતી જશે,.
ચાલ આજે સત્યનો ઇકરાર કર.
જો દયા જેવું કશુંયે હોય તો,.
જાત પર થોડો ઘણો ઉપકાર કર.
તું વિચારો છોડ તારી જાતના,.
દર વખત બીજાના પણ વિચાર કર.
ડૉ.સત્યમબારોટ
🌳🌳🌳🌳🌳🌳🌳🌳
No comments:
Post a Comment