ગઝલ

જ્યાં કહ્યું એણે હુ સાંજે આવું છું,
સાંજ કાગળમાં હું રોજે વાવું છું.

પ્યાસ મારી આંખની વાંચી કહ્યું,
દોસ્ત, હમણા જ મૃગજળ લાવું છું.

આમ આવીને તું પડછાયા ન પી,
વાદળીને હું ઘણું સમજાવું છું.

તમને મન થઇ જાશે ભણવાનું કદાચ,
સ્વર્ગ આખુ વર્ગમાં સર્જાવું છું.

એ રમે છે રાસ જ્યાં સમજી મશાલ,
હાથ આ મારો હું ત્યાં સળગાવું છું.

તું મૂકી મોટાઈ તારી આવ તો,
હું ય મારા આ 'હું' ને પધરાવુ છું.

કોઇ પૂછે તારું સરનામુ પ્રભુ,
આંખ બાળકની હજી વંચાવું છું.

*શૈલેષ પંડયા.. નિશેષ જામનગર*

🌹🌹🌹🌹