Sunday, 19 April 2020

ગઝલ

ઝખ્મ આપી જીગરને એ હવે પૂછે છે કે કુશળ તો છો ને ?!
પછી મલમ આપી આંસુ લૂછી મને પૂછે છે કે કુશળ તો છો ને ?!

પવન દિપજ્યોતિ ઓલવીને થઈ ગયો અળગો સિફતથી,
પછી હળવેથી હવા આવી પૂછે છે હેતથી કે કુશળ તો છો ને ?!

નજરના તીરથી ઘાયલ કરી આવ્યા સનમ ખબર લેવા,
હવે ઝખમ ઉપર ફૂલ મૂકીને કહે છે કે કુશળ તો છો ને ?!

ને સમયે સૌ સ્નેહીઓએ સરળતાથી ચહેરા બદલ્યા છે,
મહોરાઓ સૌ હવે મળીને મને પૂછે છે કે કુશળ તો છો ને ?!

સપનાએ લૂંટી છે છળ કરી વાસ્તવિકતાને આખી રાત,
દિવસ ઉગે છે ને ખુલ્લી આંખ પૂછે છે કે કુશળ તો છો ને?

"પરમ" પ્રકાશ હવે નથી જીરવી શકતા આ ચર્મચક્ષુઓ,
"પાગલ" પડછાયા પૂછી રહ્યા મને કે હવે કુશળ તો છો ને?

*ગોરધનભાઈ વેગડ*
*(પરમ પાગલ)*

*સુરત*

No comments:

Post a Comment