*પલ* | *હૃદયનો સીધો અનુવાદ*
ઉત્પાતોની અલમારીમાં,
જીવન આખું ચકચારીમાં.
હસતાં જખ્મો પ્યારી પીડા,
શ્રદ્ધા બેઠી ખણનારીમાં.
પિંડે પિંડે જોખમ જૂદા,
જબરી હિંમત જણનારીમાં.
તાણાવાણા ક્યાં જોડે છે ?
કૌવત ક્યાં છે વણનારીમાં.
પિત્તળનાં બેડાઓ ક્યાં છે ?
મન ક્યાં ચોંટે પનિહારીમાં.
દરિયો એથી ગમવા લાગ્યો,
દિલ લાગ્યું છે મછવારીમાં.
સ્પર્શે સ્પર્શે તું છે વ્હાલી,
તું છે ભીની કંપારીમાં.
*આલાપ*
#CM_Sarkaar
No comments:
Post a Comment