જાદૂગરી કિરતારની હર અંગમાં જોવા મળી
એની હાજરી આ આપણાં પ્રસંગમાં જોવા મળી ...
હાથે અનેરી આંગળી આંખે અનેરી પાંપણો
બીડાય બંન્ને સાથમાં એજ ઢંગમાં જોવા મળી ...
સેંથી અને સિંદૂર ના તાણી શકો મરજી વિના
સંગીત શું છે ની સમજ મોરચંગ માં જોવા મળી ...
ઉદારતા છે શેઠમાં બ્રહ્માંડ દીધું ભેટમાં
લાખો કમાણી રામની બજરંગમાં જોવા મળી ...
ધાવણ મને ધવડાવતો તું માં બનીને આવતો
માધવ મને તારી મઢી માં ગંગમાં જોવા મળી ...
મારી ગરીબી જોઇલે શ્રીમંત આવી આંગણે
જાહોજલાલી 'આહીર'ની હર જંગમાં જોવા મળી ...
- માવજી એમ આહીર ( ડગાળા - કચ્છ )
No comments:
Post a Comment