ગઝલ

*વસંત પંચમી*ની વધામણી...

*પલ* | *હૃદયનો સીધો અનુવાદ*

આવ-જા કરતો રહે છે શ્વાસમાં તું કોણ છે ?
  આવતો તો યે નથી અંદાજમાં તું કોણ છે ?

તું કલર બદલી મને આપ્યાં કરે જખ્મો નવા,
સપ્તરંગી ચીસ તારા રાજમાં, તું કોણ છે ?

કેટલું કમભાગ્ય તારા બાગના આ ફૂલનું,
એકલા મૂંઝાય ફલાવરવાઝમાં ! તું કોણ છે ?

ક્લોઝ થાવું હોય તો જૂદાપણું ચાલે નહીં,
લાવ, તારો હાથ મારા હાથમાં, તું કોણ છે ?

આભ આખું એ પછી નાનું પડ્યું *આલાપ*ને,
એમણે પૂછ્યું ભરીને બાથમાં : તું કોણ છે ?

*આલાપ*