ગીત

ફાગણ ફોર્યો રે .....

આભે ઉડ્યા રે રંગીલા રંગ કે ફાગણ ફોર્યો રે ..
આવો રંગે રમીએ ઓ સજન કે ફાગણ ફોર્યો રે..

ડાળો ઝૂકી છે ઓલ્યા ફૂલડાંનાં ભારથી..
ભમતાં પતંગિયાં અદકેરાં પ્યારથી..
મહેકાયું હવાનું અંગે અંગ કે ફાગણ ફોર્યો રે  ..

અબીલ ગુલાલથી શોભે ગગન છે ,
પિચકારીઓથી ભીંજાયે તન છે,
રંગાઈ હું તો કાન્હાને રંગ કે ફાગણ ફોર્યો રે ..

હૈયે હુલ્લાસ ને મનમાં ઉમંગ છે  ,
મિત્રોની મહેફિલનો જામ્યો આ  રંગ છે ,
વ્હાલો સંગીતનો લાગે રે સંગ કે ફાગણ ફોર્યો રે..

રંગોની પીંછી ફરી સંધ્યા રંગીન છે  ,
ફૂલોની સોડમમાં સૌ બન્યા લીન છે ,
થયા કુદરતનાં કામણ જોઈ દંગ કે ફાગણ ફોર્યો રે ..

આભે ઉડ્યા રે રંગીલા રંગ કે ફાગણ ફોર્યો રે ..
આવો રંગે રમીએ ઓ સજન કે ફાગણ ફોર્યો રે..

-Shabnam