ગઝલ

💐  જીવી લઈએ...💐

શ્વાસ ભીડી આજ જીવી લઈએ,
મોત   સામે   ચાલ  જીવી લઈએ.

એક   પગલું   તું  ભરે, બીજું  હું,
વિશ્વની  એ  પાર, જીવી લઈએ.

હું  ને   તું  અફવા  બની  બાજારે,
આમ નઈ તો આમ,જીવી લઈએ.

એક રણ  રેતાળ  હો તો શું થ્યું?
મૃગજળે લઈ નાવ,જીવી લઈએ.

પ્રશ્ન તો  બે - ચાર   આવે -જાશે,
હાર  થી  શરપાવ, જીવી લઈએ.

આમ  અમથું  જીવતાં  કાં ફાવે?
તું કબર હું લાશ ,જીવી  લઈએ.

છે  અનામી   આ  હદયની  શેરી,
ઘર સુધી તું આવ, જીવી લઈએ.

ભીડ  વચ્ચે  એકલી   છું  આજે,
યાદ  થઈને  આવ, જીવી લઈએ.

મોત થી પણ નાં ડરીએ  'જ્ન્નત'
કાળનો થઈ કાળ, જીવી લઈએ.

-જ્ન્નત
પિનલ સતાપરા