રાખ તારા કંઈ નથી નિષ્ફળ પ્રયાસો આગ છે
એ તને લઈને જશે મંજિલ સુધી સુરાગ છે
ઘાટ ધારેલો ઘડાશે માર તું થાક્યા વગર
એક તો લોઢુ ગરમ એમાં ય પાછો લાગ છે
ડાળ કાંટાળી છે એ પણ ફૂલ દેશે આખરે
રેડ પરસેવો આ તારી જિંદગાની બાગ છે
ક્યારની બેઠી છે દિલમાં સાચવી સાચો મણી
ચાહને છંછેડ તારી ચાહ કાળો નાગ છે
એટલે મારી હસી સુહાગણી થઈ ગઈ સદા
આ જખમ "ગોપાલ" મારા તે જ નો સુહાગ છે
કોટક ધાર્મિક "ગોપાલ"
No comments:
Post a Comment