તા.૨૪-૦૪-૨૦૦૧
કિનારા બધા પામવાની મથામણ,
સમંદર હવે લાંઘવાની મથામણ.
સમંદર નયનમાં છલકતો નિહાળી,
પુલો પાંપણે બાંધવાની મથામણ.
તરસતો નિહાળી મને એ જુઓ તો !
છલકવા હવે ઝાંઝવાની મથામણ.
પહેલા સગાઈ બધી તોડવાની,
પછી સગપણો સાધવાની મથામણ.
બધા જૂઠ પર જૂઠ ખુલ્લા કરીને,
સદા સાચને ઢાંકવાની મથામણ.
રહી જાય ના એકલા એજ માટે,
બધાની ઉપર ભાગવાની મથામણ.
તને આપનારા નથી કૈ એ "જયલા"
બધાની જ બસ માંગવાની મથામણ.
@"જયલા"
No comments:
Post a Comment