શું મજા આવે?
રહી કિનારે ડૂબવાની શું મજા આવે, કહો!
ને શિખર જઈ કૂદવાની શું મજા આવે, કહો!
હું હતો નિર્દોષ પણ પૂરવાર કરવું શી રીતે?
દે તું જો ખોટી જુબાની, શું મજા આવે, કહો!
કેટલા નરસા અને સારા પ્રસંગોને સહી
જે લખ્યું એ ભૂંસવાની શું મજા આવે, કહો!
ઝાંઝવાથી છે ભરેલા રણ સમી આ જિંદગી!
અમથું અમથું ઝૂઝવાની શું મજા આવે, કહો!
છે ચિતા તૈયાર પણ મિત્રો હજુ આવ્યા નથી!
લાંબા થઈ જઈને સુવાની શું મજા આવે, કહો!
- હરિહર શુક્લ
૩૦-૦૬-૨૦૧૭
No comments:
Post a Comment